മണര്കാട് കത്തീഡ്രലില് പരിശുദ്ധ ദൈവമാതാവിന്റെ ജനന പെരുന്നാള്
മണര്കാട് : ആഗോള മരിയന് തീര്ത്ഥാടന കേന്ദ്രവും, മലങ്കര യാക്കോബായ സുറിയാനി സഭയുടെ അതി പുരാതന ദൈവാലയവുമായ മണര്കാട് വിശുദ്ധ മര്ത്തമറിയം യാക്കോബായ സുറിയാനി കത്തീഡ്രലില് പരിശുദ്ധ ദൈവമാതാവിന്റെ ജനന പെരുന്നാള് 2025 സെപ്റ്റംബര് 1 മുതല് 8 വരെ ആചരിക്കും.
2025 സെപ്റ്റംബര് 1 തിങ്കളാഴ്ച വിശുദ്ധ മൂന്നിന്മേല് കുര്ബ്ബാനയ്ക്ക് അഭിവന്ദ്യ തോമസ് മോര് തീമോത്തിയോസ് മെത്രാപ്പോലിത്താ, സെപ്റ്റംബര് 2 ചൊവ്വാഴ്ച വിശുദ്ധ മൂന്നിന്മേല് കുര്ബ്ബാനയ്ക്ക് അഭിവന്ദ്യ കുര്യാക്കോസ് മോര് ഈവാനിയോസ് മെത്രാപ്പോലിത്താ, സെപ്റ്റംബര് 3 ബുധനാഴ്ച വിശുദ്ധ മൂന്നിന്മേല് കുര്ബ്ബാനയ്ക്ക് അഭിവന്ദ്യ പൗലോസ് മോര് ഐറേനിയോസ് മെത്രാപ്പോലിത്താ, സെപ്റ്റംബര് 4 വ്യാഴാഴ്ച വിശുദ്ധ മൂന്നിന്മേല് കുര്ബ്ബാനയ്ക്ക് അഭിവന്ദ്യ ഐസക് മോര് ഒസ്താത്തിയോസ് മെത്രാപ്പോലിത്താ, സെപ്റ്റംബര് 5 വെള്ളിയാഴ്ച വിശുദ്ധ മൂന്നിന്മേല് കുര്ബ്ബാനയ്ക്ക് അഭിവന്ദ്യ മര്ക്കോസ് മോര് ക്രിസോസ്റ്റമോസ് മെത്രാപ്പോലിത്താ, സെപ്റ്റംബര് 6 ശനിയാഴ്ച വിശുദ്ധ അഞ്ചിന്മേല് കുര്ബ്ബാനയ്ക്ക് അഭിവന്ദ്യ കുര്യാക്കോസ് മോര് തീയോഫിലോസ് മെത്രാപ്പോലിത്താ, സെപ്റ്റംബര് 7 ഞായറാഴ്ച വിശുദ്ധ മൂന്നിന്മേല് കുര്ബ്ബാനയ്ക്ക്
ശ്രേഷ്ഠ കാതോലിക്ക ആബൂന് മോര് ബസ്സേലിയോസ് ജോസഫ് ബാവാ,
പ്രധാന പെരുന്നാള് ദിവസമായ സെപ്റ്റംബര് 8 തിങ്കളാഴ്ച വിശുദ്ധ മൂന്നിന്മേല് കുര്ബ്ബാനയ്ക്ക് അഭിവന്ദ്യ മാത്യൂസ് മോര് അപ്രേം മെത്രാപ്പോലിത്താ എന്നിങ്ങനെ വിവിധ ഭദ്രാസനാധിപന്മാരുടെ മുഖ്യ കാര്മികത്വത്തില് ശുശ്രൂഷകള് നടത്തപ്പെടും.
സെപ്റ്റംബര് 3 ബുധനാഴ്ച വൈകിട്ട് 6 മണിക്ക് മെറിറ്റ് ഡേ,
സെപ്റ്റംബര് 4 വ്യാഴാഴ്ച വൈകിട്ട് 6 മണിക്ക് പൊതു സമ്മേളനം. സെപ്റ്റംബര് 6 ഉച്ചക്ക് 2 മണിക്ക് ചരിത്ര പ്രസിദ്ധമായ ഏഷ്യയിലെ ഏറ്റവും വലിയ ആധ്യാത്മിക ഘോഷയാത്രയായ റാസ, സെപ്റ്റംബര് 7 ഞായറാഴ്ച ഉച്ച നമസ്കാരത്തെ തുടര്ന്ന് ചരിത്ര പ്രസിദ്ധമായ നട തുറക്കല് എന്നിവ നടത്തപ്പെടും.
